Stefnir í baráttu á milli Hatara og Friðriks Ómars á úrslitakvöldi Söngvakeppninnar

Hljómsveitin Hatari er líklegust til þess að keppa fyrir hönd Íslands í Eurovision Söngvakeppninni í Ísrael í vor samkvæmt könnun Maskínu.

Sjá einnig: Leðurklædd amma og afi slá í gegn í Eurovision auglýsingu frá Kjörís: „Heldur þú að þau hafi ekki verið ánægð með okkur, barnabörnin“

Um 65 prósent Íslendinga ætla að fylgjast með úrslitum Söngvakeppninnar á RÚV á morgun, laugardaginn 2. mars. Af þeim munu 37 prósent líklegast kjósa lag Hatara „Hatrið mun sigra“. Milli 23 prósent  og 24 prósent af þeim sem fylgjast með ætla að kjósa lag Friðriks Ómars, „Hvað ef ég get ekki elskað“ og stefnir því í það að baráttan verði á milli Hatara og Friðriks Ómars.

Rúm 11 prósent ætla að kjósa lag Kristinu Bærendsen „Mama Said“. Tæplega 21 prósent svarenda hafa ekki myndað sér skoðun á því hvaða lag þeir muni koma til með að kjósa.