Eigendur 101 Hótels krefjast þess að hávaði frá Gamla bíói verði takmarkaður. Kröfurnar hafa þegar orðið til þess að tónleikum hefur verið aflýst. Þetta kemur fram á vef Hringbrautar.
Gamla bíó við Ingólfsstræti gekk endurnýjun lífdaga í fyrra. Gólf hússins var sléttað þannig að hægt er að halda standandi tónleika fyrir allt að 750 manns.
Sjá einnig: Gamla bíó fyllir skarð Nasa
Rekstur hússins er hins vegar í uppnámi, samkvæmt vef Hringbrautar. Eigendur 101 Hótels krefjast þess að svokallaður „limiter“ verðir settur á hljóðkerfið sem takmarkar styrkinn við 95 desibil.
Guðvarður Gíslason, Guffi, framkvæmdastjóri Gamla bíós, segir í samtali við Morgunblaðið í dag að nú síðast hafi umsókn um aukinn hljóðstyrk vegna tónleika Páls Óskars á Hinsegindögum verið hafnað af hálfu heilbrigðisfulltrúa, aðallega vegna kvartana frá hótelinu.