Áramótaskaupið er ekki eini staðurinn þar sem tilvitnun í Staupastein er notuð til þess að gera grín af fullu og dónalegu Þingmönnunum á Klaustri en grínistinn Ari Eldjárn notaði svipaða tengingu í Áramótaskopi sínu sem frumsýnt var í Háskólabíói 26. desember.
Sjá einnig: Geggjað Skaup búið og hér er það sem Íslendingum á Twitter fannst: „Gæsahúð yfir þessu geggjaða hommaatriði“
„Frábært Skaup í gær og sérstaklega gaman að sjá hvað ástin á Staupasteini er ennþá mikil hjá Íslendingum! Við vorum með okkar eigin útgáfu af Klaustursmálinu í Áramótaskopinu sem var frumsýnd 26. desember í Háskólabíói. „Great minds think alike“,“ skrifaði Ari Eldjárn á Facebook í gær.
Margir biðu spenntir yfir því hvernig Klaustursmálið yrði tæklað í Áramótaskaupinu í ár en hér að neðan má sjá bæði atriðið úr Áramótaskopi Ara og svo atriðið úr Áramótaskaupinu.