Nútíminn heldur áfram að birta frábærar uppskriftir í samstarfi við Gestgjafann. Nú kíkjum við á hvað hægt er að gera við kartöflurnar – ekki þessar sem óþekk börn fá í skóinn heldur þessar sem klárast ekki í kvöldmatnum.
Ef þú átt afgangs soðnar kartöflur frá kvöldinu áður er tilvalið að henda í þennan rétt og þú ert komin/n með lúxus meðlæti!
Hráefni:
-
- Soðnar kartöflur, skornar í bita
- 2 msk smjör
- 2 msk ólíuvolía
- 1/2 tsk hvítlauksduft
- 1/2 tsk laukduft
- 1 hvítlauksgeiri, rifinn niður
- hnífsoddur cayenne pipar
- 1/4 tsk reykt paprika
- rósmarín eða timjan, þurrkað
- salt og pipar
Aðferð:
1. Hitið smjör og olíu á pönnu og steikið hvítlauk og rósmarín/timjan. Bætið kartöflunum á pönnuna og steikið þetta í nokkrar mín. Kryddið með salti, pipar, cayenne, hvítlauksdufti, laukdufti og reyktri papriku.
2. Steikið kartöflurnar áfram í 8-10 mín og hrærið reglulega í þeim svo þær brúnist jafnt. Þegar kartöflurnar eru orðnar vel stökkar og brúnaðar eru þær klárar.