Hráefni:
- 1 poki litlar kartöflur
- 3 msk ólívuolía
- 1 tsk hvítlauksduft
- 1/2 tsk hvítlaukssalt
- salt og pipar eftir smekk
- Fersk steinselja söxuð niður
- 3-4 dl cheddar ostur eða ostur að eigin vali
Aðferð:
1. Hitið ofninn í 200 gráður og leggið bökunarpappír á ofnplötu.
2. Skerið kartöflurnar til helminga (eða fjórðunga, fer eftir stærð). Setjið kartöflubitana í skál með olíu, hvítlauksdufti,hvítlaukssalti, salti og pipar og blandið vel saman.
3. Dreifið kartöflunum á ofnplötuna og bakið í um 25 mín (gott er að snúa kartöflunum við þegar tíminn er hálfnaður). Þegar kartöflurnar eru orðnar mjúkar eru þær teknar út og ostinum dreift yfir þær. Svo fara þær aftur inn í ofn í 2-3 mín eða þar til osturinn er vel bráðnaður.
4. Þetta er toppað með ferskri steinselju og borið fram strax.