Marshall London snjallsími

Auglýsing

Flestir kannast við Marshall vörumerkið sem einn mest goðsagnakennda gítarmagnarann á markaðnum. Hönnunin á gítarmagnaranum ætti að vera greipt í vitund hvers sem umgengst hefur hljóðfæri um ævina. Nú nýlega komu mjög falleg heyrnatól frá Marshall á markaðinn með hönnun undir áhrifum gítarmagnaranna. Marshall kynnti nú á dögunum nýjan Android snjallsíma sem er fáránlega flottur, þar sem áferð bakhliðarinnar er sú sama og á gítarmagnaranum með fallegu silfur logoi. Þessi sími er aðallega hannaður fyrir hljóðáhugamenn. Síminn er búinn tveimur hátölurum sem snúa fram, einum efst á framhlið símans og öðrum neðst á framhliðinni. Tvö 3.5mm tengi gerir tveimur aðilum kleift að hlusta á tónlist eða horfa á myndband í símanum samtímis, í stereo, og geta stýrt hljóðinu hvoru megin fyrir sig. Ofan á símanum er gylltur M-takki sem opnar hvaða tónlistarsmáforrit sem þú ert að nota á skotstundu. Fókusinn með þessum síma er tónlist fyrst og fremst, allt annað er aukaatriði þótt það sé einnig á háu gæðastigi. Hljóðið er því til fyrirmyndar í símanum en í símanum er Cirrus Logic WM8281 Audio Hub, sem gerir símanum kleift að spila tónlist í mun hærri upplausn en aðrir símar. Síminn er einnig með eigin stjórnstöð fyrir allar tíðnir; háu, mið og lágu tónarnir eru til dæmis breytanlegir.

Auglýsing

læk

Ummmmm...

Instagram