Eldri maður slasaðist alvarlega í Sundhöll Selfoss laust fyrir hádegi í dag. Byggingin var rýmd eftir slysið og verður sundlaugin lokuð á meðan vettvangur er rannsakaður. Þetta kemur fram í tilkynningu frá lögreglunni á Suðurlandi.
Uppfært 14:30.
Eldri karlmaður lést við sundiðkun skömmu fyrir hádegi í dag. Sjúkralið og lögregla fóru á vettvang en endurlífgun bar ekki árangur. Ekki er unnt að veita frekari upplýsingar að svo stöddu.