Enn er leitað að árásarmanninum sem framdi alvarlega líkamsárás í fyrrinótt í Vestmannaeyjum. Sjá einnig hér
„Það er ekki búið að hafa upp á geranda og er málið enn í rannsókn en við ítrekum beiðni til bæjarbúa að hafa samband við lögreglu ef það hefur orðið var við grunsamlegar mannaferðir aðfaranótt 25. ágúst sl., hvar sem er í bænum.” segir Tryggvi Kr. Ólafsson, lögreglufulltrúi, í samtali við eyjar.net
Samkvæmt upplýsingum lögreglu þá er árásarmaðurinn um 190 cm á hæð, grannvaxinn og líklega dökklæddur.
Þeir sem urðu varir við árásina eða grunsamlegar mannaferðir í bænum aðfaranótt 25. ágúst beðnir að hafa samband við lögregluna í Vestmannaeyjum í síma 444 2091 eða á facebooksíðu lögreglu.
Einnig er hægt að hafa samband með tölvupósti í póstfangið: vestmannaeyjar@logreglan.is.