Damon Albarn í Hörpu – ný dagsetning

Auglýsing

Tónleikarnir með Damon Albarn í Hörpu sem áttu að fara fram 12. júní hafa nú verið færðir til 28. mars 2021

Damon Albarn átti að fara í tónleikaferðalag í sumar þar sem hann ætlaði að flytja nýja verkið sitt The Nearer The Fountain, More Pure The Stream Flows, sem innblásið er af íslenskri náttúru. Tónleikaferðalagið er með viðkomu í Reykjavík sem hluti af Listahátíð Reykjavíkur en í dag tilkynnti hann nýjar dagsetningar fyrir ellefu tónleika af fimmtán, þar á meðal tónleikana í Reykjavík.

Miðar sem þegar hafa verið keyptir gilda sjálfkrafa áfram á tónleikana 28. mars 2021. Ef þessi nýja dagsetning hentar ekki miðahöfum geta þeir farið fram á endurgreiðslu með því að senda tölvupóst á [email protected] fyrir 3. júní.

Verkið verður einnig flutt á eftirfarandi stöðum:

Auglýsing

 

  • Brussel (Bozar) – 20. og 21. mars 2021
  • Eindhoven (Muziekgebouw) – 22. mars 2021
  • London (Barbican) – 30. mars 2021
  • Lyon (Auditorium) – 1. apríl 2021
  • Kaupmannahöfn (K.B. Hallen) – 3. apríl 2021
  • Dublin (National Concert Hall) – 5. og 6. apríl 2021
  • París (Philharmonie) – 5. og 6. júlí 2021

Damon hefur verið tíður gestur á Íslandi í tæplega þrjá áratugi og hefur á þessum tíma verið innblásinn af náttúru þess og landslagi. Nýja verkið hans er afleiðing af þessari ást hans á Íslandi og mun hann flytja þetta mjög svo persónulega verk með hópi tónlistarmanna frá Íslandi og víðar og umgjörðin byggir á sérhönnuðu sjónlistaverki. Tónleikarnir eru hans fyrstu á Íslandi í 23 ár.

The Nearer the Fountain, More Pure the Stream Flows var skrifað og samið að fullu á Íslandi. Nafnið er fengið frá ljóðinu Love and Memory eftir John Clare.
Síðastliðinn sunnudag frumflutti Damon Albarn hluta af verkinu í Boiler Room TV sem hluti af seríunni “Streaming from Isolation” sem er til styrktar Global FoodBanking Network. Hægt er að sjá upptöku af tónleikunum hér.

Auglýsing

læk

Ummmmm...

Lax með karrý-kókos sósu

Instagram