Hertogahjónin Harry Bretaprins og Meghan Markle eignuðust dóttur á föstudaginn á Santa Barbara Cottage spítalanum í Kaliforníu.
Stúlkunni hefur verið gefið nafnið Lilibet Diana Mountbatten-Windsor. Nafnið Lilibet er gælunafn langömmu stúlkunnar, Elísabetu Bretadrottningar. Stúlkan heitir einnig í höfuðið á ömmu sinni heitinni, Díönu prinsessu.
Þetta er annað barn þeirra hjóna en fyrir eiga þau soninn Archie Harrison Mountbatten-Windsor. Í tilkynningu frá hjónunum segir að móður og barni heilsist vel.