Enginn náði að landa 1. vinningi þessa vikuna en sex miðahafar skiptu á milli sín 2. vinningi og hlýtur hver þeirra rúmlega 54 milljónir í vinning. Þrír miðanna voru keyptir í Þýskalandi, einn í Noregi, einn í Finnlandi og einn í Slóveníu. Þá voru níu vinningshafar með 3. vinning og fær hver þeirra rúmar 12 milljónir í sinn hlut. Tveir miðar voru keyptir á Spáni, einn í Póllandi, einn í Finnlandi og fimm voru keyptir í Þýskalandi.
Fimm voru með 2. vinning í Jóker, tveir keyptu miðana á lotto.is, einn er í áskrift, Olís á Selfossi og Hagkaup á Akureyri seldi tvo vinningsmiða. Enginn var hins vegar með 1. vinning í Jóker.