Tónlistarmaðurinn Hreimur Örn Heimisson, úr hljómsveitinni Land og Synir, var að gefa út sitt fyrsta sóló lag síðan árið 2012. Lagið ber heitið Miðnætursól.
Hreimur er að leggja lokahendur á plötu sem áætlað er að komi úr síðar á árinu.
„Ég er í óða önn að klára tónleikadagsetningar fyrir þetta ár og mun kynna hana á næstu vikum.” skrifar Hreimur á Facebook síðu sína.
Hann samdi sjálfur bæði lag og texta, Vignir Snær Vigfússon tók upp og útsetti lagið, Benni Brynleifs trommaði og Hr. Jón Guðfinnson plokkar bassann.