Í gær hóf göngu sína á Stöð2 þátturinn Í kvöld er gigg. Um er að ræða frábæran tónlistarþátt með Ingó ,,Veðurguði“ í fararbroddi.
Í hverjum þætti syngur Ingó sig í gegnum tónlistarsögu landsins ásamt gestum þáttarins. Fyrstu gestir vetrarins voru þau Jóhanna Guðrún og Sverrir Bergmann. Sungu þau meðal annars lög hvors annars og þeim til halds og trausts voru þeir Davíð Sigurgeirsson og Halldór Gunnar Fjallabróðir ásamt húshljómsveitinni.
Þættirnir verða sex talsins og eru sýndir í lokaðri dagskrá Stöðvar 2 á föstudagskvöldum kl. 18:55.
Hér fyrir neðan má sjá Jóhönnu Guðrúnu með stórglæsilegan flutning á laginu I Will Always Love You í þætti gærkvöldsins.