Samtök iðnaðarins vilja leggja sitt af mörkum til uppbyggilegrar umræðu í aðdraganda kosninga og vekja athygli á þeim málefnum sem brýnust eru fyrir samkeppnishæfni Íslands. Samtökin efna því til samtals við forystufólk stjórnmálaflokkanna á opnum fundi á morgun miðvikudaginn 8. september í Norðurljósum í Hörpu kl. 13.00-15.00. Fjölmiðlar eru velkomnir á fundinn.
Í upphafi nýs kjörtímabils verða teknar ákvarðanir sem ráða miklu um efnahagslega framtíð Íslands. Miklu máli skiptir að ákvarðanir nýrra stjórnvalda leiði til umbóta á Íslandi, bæði fyrir fólk og fyrirtæki. Samtök iðnaðarins hafa lagt fram 33 tillögur til umbóta (Idnthing-2021_skyrsla1.pdf (si.is)) og verða þær til umræðu auk þess sem kastljósinu verður beint að þeim tækifærum sem grípa þarf til að auka útflutningstekjur þjóðarbúsins.
Dagskrá fundarins:
Ávarp – Árni Sigurjónsson, formaður SI
Samtal við forystufólk flokkanna – Sigurður Hannesson, framkvæmdastjóri SI, stýrir umræðum með þátttöku eftirtaldra:
Flokkur fólksins – Inga Sæland
Framsóknarflokkur – Willum Þór Þórsson
Miðflokkurinn Sigmundur Davíð Gunnlaugsson
Píratar – Björn Leví Gunnarsson
Samfylking – Kristrún Frostadóttir
Sjálfstæðisflokkur – Bjarni Benediktsson
Sósíalistaflokkurinn – Gunnar Smári Egilsson
VG – Katrín Jakobsdóttir
Viðreisn – Daði Már Kristófersson
Fundurinn er sendur út beint: https://vimeo.com/event/1255125
Kosningafundur SI from Harpa Reykjavik on Vimeo.