Skömmu eftir klukkan átta í morgun slasaðist maður alvarlega í vinnuslysi á athafnasvæði málmendurvinnslunnar Fyri við Hringhellu í Hafnarfirði. Vefur Fréttablaðsins greinir frá þessu.
Maðurinn klemmdist á milli bílhræs og vinnuvélar. Mikill viðbúnaður var á staðnum í kjölfar slyssins, þrír sjúkrabílar, lögreglubíll og tækjabíll frá slökkviliðinu mættu á svæðið.