Maðurinn sem lést eftir að hann fannst á botni sundlaugar í Sundhöll Reykjavíkur á fimmtudaginn hét Guðni Pétur Guðnason og var 31 árs. Hann lætur eftir sig foreldra og tvo bræður. Þessu var greint frá í fréttum stöðvar 2 í gærkvöldi.
Guðni Pétur starfaði sem stuðningsfulltrúi og var með geðfatlaðan einstakling í liðveislu þegar andlátið átti sér stað. Ekki er vitað hvað olli andlátinu en talið er að hann hafi legið á botni laugarinnar í 6 mínútur áður en hann fannst.