Mikill eldur logar í húsi á horni Vesturgötu og Bræðraborgarstígs. Allt tiltækt slökkvilið höfuðborgarsvæðisins hefur verið kallað út ásamt bæði lögreglu og sérsveitinni.
Talið er að mikil sprengjuhætta sé á svæðinu og hefur íbúum hverfisins verið sagt að halda sig í góðri fjarlægð frá húsinu og loka gluggum. Samkvæmt heimildum DV hafa fjórir verið fluttir á slysadeild og þrír íbúar hússins verið handteknir.
Talið er að erlendir verkamenn búi í húsinu.