Lögregla hefur nú gefið út tilkynningu með nafni mannsins sem lést í húsbílsbrunanum í landi Torfastaða í Grafningi í Árnessýslu á föstudag. Hann hét Einar Jónsson og var 38 ára að aldri. Í tilkynningu frá lögreglu segir:
Kennslanefnd ríkislögreglustjóra hefur, með rannsókn sinni, staðfest að líkamsleifar manns sem lést í bruna í húsbíl í landi Torfastaða í Grafningi séu af Einari Jónssyni sem fæddur var þann 21. ágúst 1982. Einar var með lögheimili að Akraseli 5 í Reykjavík. Hann var ókvæntur og barnlaus.
Beðið er eftir endanlegri niðurstöðu rannsókna sem og niðurstöðu tæknideildar um eldsupptökin.