Síðdegis í gær barst lögreglu tilkynning um líkamsárás í vínbúð í miðborginni.
Þar hafði öryggisvörður bent konu á að grímunotkun innandyra væri skylda en konan neitaði að fara eftir fyrirmælum. Hún réðst á öryggisvörðinn, klóraði hann, potaði í augað á honum og hrinti honum. Konan hljóp af vettvangi eftir atvikið, sem náðist á öryggismyndavélum, og þekkti lögreglan konuna af fyrri afskiptum. Málið er í rannsókn.