Sumarkjóla og freyðivínshlaup í Elliðaárdal
Prosecco hlaupið fer fram í Elliðaárdal í Indjánagili rétt hjá Rafveituheimilinu fimmtudaginn 6. ágúst. Ræst verður kl 18:00 og farnir tæpir 5km.
,,Allir eiga að með freyðivínsflösku (750ml) í startið sem allar verða settar í púkk. Ekki gleyma að mæta í sumarkjól. Gott væri að taka með sér glas að heiman. Það er ekki salernisaðstaða á staðnum en leiðin liggur framhjá Árbæjarlaug og hægt að koma við þar,“ segir á Facebook síðu viðburðarins.
Ekki er tímataka í hlaupinu og því hægt að halda góðu bili á milli þáttakenda og fylgja sóttvarnarreglum. Það er drykkjarstöð á leiðinni þar sem hluti af flöskunum verða opnaðar og svo skálað í lok hlaups.
Allar upplýsingar má finna á Facebook síðu viðburðarins.