Tekin hefur verið ákvörðun um að fresta The Color Run, en hlaupið átti að fara fram í Reykjavík 28. ágúst næstkomandi. Ákvörðunin var tekin í ljósi samkomutakmarkana yfirvalda.
„Þar sem ekki er útlit fyrir afléttingu samkomutakmarkana í bráð hefur viðburðinum verið frestað til laugardagsins 4. júní 2022,“ segir í tilkynningu frá aðstandendum hlaupsins.
„Henti ný dagsetning ekki þátttakendum hafa þeir tvær vikur til þess að óska eftir endurgreiðslu með því að hafa samband við tix.is,“ segir jafnframt í tilkynningunni.