Fjórir til fimm piltar á aldrinum 16 til 18 ára réðust á fimmtán ára drengi með rafbyssu og hnífum á skólalóð í Kópavogi í gærkvöldi. Drengirnir sem ráðist var á voru með sýnilega áverka eftir líkamsárásina.
Árásarmennirnir fóru af vettvangi áður en lögregla mætti á svæðið en tilkynnt var um árásinua klukkan 22:52 í gærköldi. Lögregla stöðvaði bifreið árásarmannanna í Rofabæ í Árbæ og þá voru fjórir í bifreiðinni sem voru handteknir og færðir á lögreglustöð þar sem foreldrar þeirra mættu.
Þeim var sleppt eftir skýrslutöku en vopn þeirra voru gerð upptæk. Foreldrar drengjanna sem urðu fyrir árásinni fóru með þá á slysadeild Landspítalans til skoðunar.