Siggi Gunnars og Eva Ruza færa áhorfendum bingótölurnar beint heim í stofu í fjölskyldubingói kvöldsins.
Með þeim í setti í kvöld verða furðu DJ-inn, tóm gleði og fullt af stórglæsilegum vinningum. Söngkonan Klara Elias sér um tónlistina ásamt gítarleikaranum Daníel Friðriki Böðvarssyni.
„Það á einstaklega vel við að fá Klöru til okkar enda var hún meðlimur í hljómsveit sem gerði jarðskjálftalag allra jarðskjálfta, 5 á richter. Ég veit reyndar ekki hvort hún flytur það fyrir okkur en það verður gaman að fá hana í heimsókn engu að síður,“ segir Siggi Gunnars bingóstjóri í samtali við K100
Gleðin hefst á slaginu 19:00 og allar upplýsingar um þátttöku og útsendingu má finna með því að fara inn á heimasíðu bingósins á www.mbl.is/bingo.