Samkvæmt nýjustu tölum síðunnar oddschecker.com er Daða og Gagnamagninu spáð sigri í Eurovison í Rotterdam í maí.
Síðan sem umræðir samkeyrir stuðla frá fjölda veðbanka víða um heim og eins og staðan er í dag trónir Ísland á toppnum. Það munu þó fleiri lönd bætast á lista veðbankanna á næstu vikum, þar sem það hafa ekki öll ríkin valið framlag sitt, og á því staðan eftir að breytast eitthvað.
Í gær spáði Eurovision World að Ísland myndi lenda í þriðja sæti en landið hefur rokið upp alla lista á síðustu dögum.
Þetta kemur fram á vef mbl.is