Heildargreiðslur Eflingar stéttarfélags á sjúkradagpeningum hækkuðu um 31,8% á síðasta ári og námu 1.592,5 millj. Þar með hafa útgjöld Eflingar vegna sjúkradagpeninga hækkað um 93% frá árinu 2020 en félagsmönnum fjölgað um 7% á sama tíma. Þessar upplýsingar má lesa úr ársskýrslum stéttarfélagsins en ekki er greint frá ástæðum vaxandi veikinda félagsmanna í þessum sömu skýrslum og því er ekki hægt að fullyrða hvort þetta sé tengt afstöðnum Covid faraldri.
