Bandaríkin, Kanada og Mexíkó halda HM árið 2026. Þetta var ákveðið með atkvæðagreiðslu í Moskvu nú í dag en sameiginlega boðið sem kallast The United vann Marokkó með 134 atkvæðum gegn 65 atkvæðum.
Þetta er í annað skiptið sem sameiginlegt boð vinnur réttin til að halda HM en síðast voru það Japan og Suður Kórea sem héldu keppnina árið 2002.
Lengi var talið að þessi þrjú lönd myndu hreppa réttinn en eftir hótanir Donalds Trump Bandaríkjaforseta, þar sem hann virtist hóta löndum sem ætluðu ekki að kjósa The United, héldu margir að það myndi gera út um boð landanna þriggja, en pólitískur þrýstingur stjórnvalda er bannaður þegar kemur að kosningunum samkvæmt siðareglum FIFA.
The U.S. has put together a STRONG bid w/ Canada & Mexico for the 2026 World Cup. It would be a shame if countries that we always support were to lobby against the U.S. bid. Why should we be supporting these countries when they don’t support us (including at the United Nations)?
— Donald J. Trump (@realDonaldTrump) April 26, 2018
60 af 80 leikjum mótsins verða leiknir í Bandaríkjunum en Kanada og Mexíkó skipta hinum leikjunum á milli sín. Allir leikir eftir átta liða úrslitin verða leiknir í Bandaríkjunum.
Mexíkó hefur áður haldið HM, árin 1970 og 1986 og Bandaríkini einu sinni árið 1994. Þetta var í fimmta skiptið sem Marokkó bauð í að halda HM.
The world will unite in North America! #United2026 has officially won the right to host the @FIFAWorldCup!
???????????????????????? | https://t.co/jbld3pvI99 pic.twitter.com/iBhngny42b
— United 2026 (@united2026) June 13, 2018