Bandaríska leikkonan Kate Hudson er nú stödd hér á landi en samkvæmt heimildum DV sást Hudson skemmta sér í miðborg Reykjavíkur í gærkvöldi.
Leikkonan geðþekka ku hafa verið að skemmta sér á skemmtistaðnum Pablo Discobar í góðra vina hópi. Tilgangur komu Hudson hingað til lands liggur ekki fyrir en heimildir DV herma að hún hafi skemmt sér konunglega á Pablo Discobar og meðal annars tekið spor á dansgólfinu.
Hin 38 ára Kate Hudson hefur leikið í fjölmörgum Hollywood myndum en hún er líklega þekktust fyrir leik sinn í myndum á borð við How to Lose a Guy in 10 Days, Almost Famous og Bride Wars.