today-is-a-good-day

Pissaði á farangur hótelgests í miðborg Reykjavíkur

Lögreglumenn voru kallaðir út að hóteli í miðborg Reykjavíkur í nótt þar sem einn hótelgestur hafði pissað á farangur annars hótelgests. Þetta kemur fram á vef RÚV.

Það var nóg að gera hjá lögreglunni í nótt en auk hótelpissarans var brotist inn í tvo bíla í miðborginni þar sem fatnaði og myndavélum var meðal annars stolið. Þá óskaði ungur maður eftir aðstoð við að finna tjaldið sitt en hann hafi villst þegar hann fór í göngutúr. Hann fann tjaldið með hjálp lögreglunnar.

Auk þess var eitthvað um partýstand í borginni og lögreglan þurfti að sinna nokkrum útköllum vegna hávaða og þrír ökumenn voru stöðvaðir vegna gruns um ölvunar- og fíkniefnaakstur.

Auglýsing

læk

Instagram