Lúxusbílar hafa selst fyrir rúman milljarð á árinu. Salan hefur aukist um tæp 50 prósent frá því í fyrra en til lúxusbíla heyra tegundirnar Volvo, Benz, Land Rover, Audi, BMW, Porsche, Lexus og Tesla. Þetta kemur fram í Morgunblaðinu í dag.
Ef aðeins er miðað við einstaklinga hefur sala á lúxusbílum aukist um tæpan þriðjung á árinu. Samkvæmt Morgunblaðinu hefur einnig orðið sprening í sölu nýrra bíla til bílaleigna.
Morgunblaðið vísar í greiningu Brimborgar á tölum Samgöngustofu. Þar kemur fram að einstaklingar hafi keypt 118 lúxusbíla á tímabilinu. Í dag er 89. dagur ársins sem þýðir að á árinu hafa selst fleiri en einn lúxusbíll á dag á Íslandi. 92 höfðu selst á sama tímabili í fyrra.
Samkvæmt Morgunblaðinu áætlar Egill Jóhannsson, forstjóri Brimborgar, að lúxusbíll kosti að meðaltali 8,5 milljónir.