Nikola Mirotic, leikmaður Chicago Bulls og spænska karlalandsliðsins í körfubolta, hefur beðist afsökunar á því að hafa rifið þjóðfána Serbíu eftir að Spánverjar töpuðu fyrir Ítölum á Evrópumótinu í körfubolta. Þetta kemur fram á vef RÚV en myndbandið má sjá hér fyrir neðan.
RÚV náði myndbandi af atvikinu sem vakið hefur mikla athygli. Fjölmiðlar í Serbíu kalla málið skandal og Mirotic hefur beðist afsökunar á Twitter-síðu sinni.
Hann segist vera miður sín og að hann hafi ekki vitað að þetta væri þjóðfáni, hvað þá serbneskur fáni.
I am deeply sorry about my reaction after the game. I did not realise that it was a flag let alone the serbian one (1/2)
— Nikola Mirotic (@NikolaMirotic33) September 9, 2015
I was looking at the floor due to the tension of the game and I felt something on my face. I would never offend any symbols. (2/2)
— Nikola Mirotic (@NikolaMirotic33) September 9, 2015
Mirotic leikur með landsliði Spánar en er fæddur í Svartfjallalandi. Landið var þá hluti af Júgóslavíu en lýsti svo yfir sjálfstæði og sleit um leið sambandi við Serbíu árið 2006.
Búið er að grípa myndbandið af vef RÚV og setja á Youtube.
https://www.youtube.com/watch?v=axe88FJYYA8