Samfangar óttast Dagbjörtu: Tók upp pyntingarnar upp á síma

Héraðssaksóknari hefur farið fram á að nýtt geðmat verði framkvæmt á Dagbjörtu Rúnarsdóttur. Dagbjört situr í gæsluvarðhaldi á Hólmsheiði grunuð um að hafa myrt mann með hrottafengnum pyntingum sem stóðu yfir í heilan sólarhring við Bátavog í Reykjavík. Meðal þess sem ákæruvaldið hefur undir höndum eru myndskeið sem voru tekin upp á bæði síma Dagbjartar og hins látna en á þeim má bæði heyra og sjá misþyrmingarnar sem leiddu til þess að maðurinn lést. Allar upptökurnar eru sagðar vera samanlagðar rúmar tvær klukkustundir að lengd.

Samkvæmt framhaldsákæru sem lögð var fram fyrir dómi lést maðurinn vegna köfnunar. En í framhaldsákærunni kemur fram að maðurinn hafi látist „…af völdum köfnunar vegna ytri kraftverkunar á hálsinn og efri öndunarveginn en blæðing innvortis og beinmergjablóðrek vegna beináverka, átti sinn skerf í spillandi áhrifum á súrefnisnærinngu til heilans og var þannig til þess fallið að stuðla enn frekar að framvindu köfnunarferlisins.“

Smáhundurinn var í frystinum í Bátavogi: Sakaði sambýlismann sinn um að hafa eitrað fyrir tíkinni á meðan líf hans fjaraði út

Nútíminn fjallaði um málið í byrjun nóvember og ræddi meðal annars við heimildarmenn sem voru nýkomnir í heimsókn til Dagbjartar hið örlagaríka laugardagskvöld í september. Þá höfðu misþyrmingarnar staðið yfir í sólarhring. Svo virðist sem að Dagbjört hafi verið í einhvers konar geðrofi en heimildarmaður Nútímans sagði hana hafa staðið í þeirri trú að hinn látni hefði eitrað fyrir Chihuahua-tík sem hún átti. Tíkin fannst í frystihólfi kæliskáps á heimilinu.

„Hún sagðist handviss um það að maðurinn hefði drepið þessa tík og var í raun í miklu uppnámi vegna þess. Hún var ekkert að kippa sér upp við það að sambýlismaðurinn hennar hafði skömmu áður látið lífið. Hún talaði bara um þennan hund sem hún sýndi okkur í frystinum.“

Hafnar nýju geðmati

DV greinir svo frá því í dag að í einni af þeim upptökum sem saksóknari hefur undir höndum heyrist Dagbjört halda því fram að hinn látni hafi haft undir höndum skotvopnið sem banaði Olof Palme, fyrrverandi forsætisráðherra Svíþjóðar árið 1986.

Þá segir í frétt DV af málinu að Kolbrún Benediktsdóttir, aðstoðarhéraðssaksóknari, hafi við þingfestingu málsins vísað í framburð samfanga Dagbjartar á Hólmsheiði – framkomu hennar og atferli. Samkvæmt heimildum miðilsins ríkir mikill ótti á meðal samfanga Dagbjartar við hana.

Dagbjört hefur hafnað nýju geðmati en úrskurður um þennan anga málsins verður kveðinn upp á mánudagin. Ekki er komin tímasetning á aðalmeðferðina og alls óvíst hvort hún verði þar sem ekki liggi fyrir hvort Dagbjört veðrur úrskurðuð sakhæf eða ekki.

Auglýsing

læk

Instagram