Þorsteinn Baldvinsson, best þekktur sem Stony, hefur gert stórkostlegt lag úr völdum brotum úr þáttunum Seinfeld. Myndbandið má sjá hér fyrir neðan.
Afþreyingarrisinn Hulu fékk Þorstein í verkið og tilefnið er að allar þáttaraðirnir af Seinfeld voru nýlega gerðar aðgengilegar í afþreyingarveitu fyrirtækisins.
Sjá einnig: Allt sem þú vissir ekki um manninn á bakvið Gerðiþaðekki
Þorsteinn er einnig maðurinn á bakvið smellina Gerði það ekki og Hvar er kjarkurinn sem hann gerði fyrir Nútímann. Myndböndin slógu rækilega í gegn og hreinlega sett internetið á hliðina — allavega á Íslandi.
Hulu gerði fyrr á árinu samning við Sony um að streyma öllum 180 þáttunum af Seinfeld í efnisveitu sinni.
Talið er að Hulu hafi þurft að punga út tæplega milljón dölum á þátt sem gerir samninginn um 180 milljón dala virði. Það eru um 24 milljarðar íslenskra króna.
Stony vakti heimsathygli í auglýsingaherferð Pepsi fyrir heimsmeistaramótið í fótbolta. Þar var hann í aðalhlutverki á móti fótboltahetjum á borð við Lionel Messi, Robin van Persie, David Luiz, Sergio Aguero og að sjálfsögðu okkar eigin Gylfa Sigurðssyni.
Stony vakti fyrst athygli á Youtube rás sinni, Stony’s World. Myndband þar sem hann endurleikur lag Macklemore og Ryan Lewis, Can´t Hold Us, með skemmtilegum tilþrifum hefur vakið gríðarlega athygli og hefur þegar þessi orð eruð rituð verið skoðað meira en milljón sinnum.