Hitinn á landinu gæti farið upp í 20 gráður í dag. Samkvæmt Veðurstofunni verður hlýjast verður hlýjast á Norður- og Vesturlandi en höfuðborgarsvæðinu er spáð 10-18 stiga hita næsta sólarhringinn.
Það þýðir bara eitt: Bongó.
Veðurstofan spáir því að næsta sólarhringinn verði austlæg átt á landinu, 5-10 m/s, en 10-15 m/s syðst og með suðausturströndinni. Yfirleitt bjartviðri norðan- og vestanlands, en súld eða rigning um landið suðaustanvert. Hiti verður 8 til 20 stig, hlýjast á Norður- og Vesturlandi.
Á höfuðborgarsvæðinu má búast við austlægri átt, 3-10 m/s, og skýjuðu með köflum. En hitinn verður engu að síður 10 til 18 stig.
Spáð er áframhaldandi blíðu næstu daga.