Leikarinn Tom Hanks minnist þess með ánægju hversu vel rass hans leit út þegar hann lék í myndinni Forrest Gump sem kom út árið 1994, eða fyrir 22 árum.
Gump fer víða í myndinni og hleypur meðal annars yfir Bandaríkin. Þá kemst hann einnig í ruðningslið vegna þess að hann er svo sprettharður.
Hanks segist hafa æft töluvert áður en tökur hófust á myndinni og skiluðu hlaupin sér.
Hann segir að í hvert skipti sem eiginkona hans, Rita Wilson, horfir á myndina í sjónvarpinu bíði hún spennt eftir einu tilteknu atriði þar sem Gump tekur á sprett frá myndaválinni.
Hanks viðurkennir að hann sé ekki með jafn flottan rass í dag.