Dásamlegur Tikka Masala kjúklingaréttur.
Hráefni í marineringu:
- 800 gr skinn og beinlaus kjúklingalæri skorin í bita
- 2 dl hrein jógúrt
- 1 1/2 msk rifinn hvítlaukur
- 1 msk rifið engifer
- 2 tsk Garam masala
- 1 tsk turmeric
- 1 tsk cumin
- 1/2 tsk chilli krydd
- 1 tsk salt
Blandið öllu hráefninu í skál og blandið vel saman. Látið þetta standa og marinerast í 30-60 mínútur. Því lengur því betra.
Hráefni í sósuna:
- 2 msk olía til steikingar
- 2 msk smjör
- 2 litlir laukar skornir smátt
- 1 1/2 msk rifinn hvítlaukur
- 1 msk rifið engifer
- 1 1/2 tsk Garam masala
- 1 1/2 tsk cumin
- 1 tsk turmeric
- 1 tsk kóríander þurrkað
- 400g tómatar í dós eða passata
- 1/2 tsk chilli krydd
- 1 tsk salt
- 3 dl rjómi
- 1 tsk púðursykur
- 1/2 dl vatn (ef þarf)
- 4 msk ferskt kóríander til skreytingar
Aðferð:
1. Hitið olíu á stórri pönnu á miðlungshita. Þegar olían er orðin heit þá steikið þið kjúklinginn, nokkra bita í einu, svo þeir nái að brúnast.(ef pannan er of troðin þá lendum við í því að þeir verði meira soðnir en steiktir). Steikið þá í c.a. 2-3 mín. Kjúklingurinn þarf ekki að vera eldaður í gegn, við klárum eldunina á honum í sósunni á eftir. Takið kjúklinginn til hliðar af pönnunni.
2. Bræðið smjör á sömu pönnu. Steikið laukinn í c.a. 3 mínútur eða þar til hann fer mýkjast. Bætið hvítlauk og engifer og steikið áfram í um 1 mínútu. Bætið þá garam masala, cumin, turmeric og þurrkuðu kóríander á pönnuna. Hrærið þessu vel saman.
3. Næst fara tómatar, chilli krydd og salt saman við. Látið malla í um 10-15 mínútur og hrærið reglulega í sósunni. Hún fer að þykkjast og tekur á sig djúprauðan lit. Hrærið síðan rjómanum saman við ásamt púðursykri. Bætið núna kjúklingnum aftur á pönnunna(og safann með) og eldið í 8-10 mínútur í viðbót eða þar til kjúklingurinn er eldaður í gegn og sósan er orðin þykk og góð. Setjið smá vatm í sósuna ef hún er of þykk.
4. Berið fram með fersku kóríander, hrísgrjónum og naan brauði. Verði ykkur að góðu!