Hráefni:
- 700-800 gr kjúklingabringur
- 1/2 dl ólívuolía
- 2 msk sítrónusafi
- 4 hvítlauksgeirar rifnir niður
- ½ tsk paprika
- 2 tsk oreganó
- 1 tsk rósmarín saxað niður
- ½ tsk svartur pipar
- 1 tsk salt
- 2 rauðlaukar, skorinn í 4 cm bita.
Aðferð:
1. Skerið kjúklinginn í c.a. 4 cm bita. Blandið öllum hráefnum (nema rauðlauk) saman í skál og setjið kjúklinginn saman við og blandið vel saman. Setjið lok eða plastfilmu yfir skálina og geymið í kæli í minnst 30 mín, því lengur því betra.
2. Leggið grillpinnana (ef notaðir eru úr við) í bleyti í heitu vatni í minnst 30 mín áður en þeir eru notaðir, þá brenna þeir ekki á grillinu.
3. Þræðið kjúkling og rauðlauk til skiptis á spjótin og penslið þetta síðan með afgangs maríneringunni. Grillið þetta næst á grilli í um 2-3 mín á hvorri hlið eða þar til kjúklingurinn hefur tekið á sig fallega gylltan lit og er eldaður í gegn.