Í dag (27. júlí) rataði lagið Kisses eftir plötusnúðinn DJ B-Ruff og söngkonuna Önnu Hlín á Youtube (sjá hér fyrir ofan) en lagið fór í spilun á útvarspstöðinni Áttunni fyrir stuttu – og það við góðar undirtektir.
Í samtali við SKE í morgun tjáði B-Ruff blaðamanni að meira efni væri mögulega á leiðinni:
„Stefnan er að gefa út fleiri lög með fleiri tónlistarmönnum, þ.e.a.s. ef tími gefst og ef vel tekst til. Draumurinn er að gefa út ,compilation’ plötu einn daginn – en fæst orð bera minnsta ábyrgð.“
– B-Ruff
Að lokum má geta þess að tæp sjö ár eru liðin frá því að B-Ruff og Anna Hlín leiddu hesta sína saman fyrst en lagið Special kom út í júlí 2010 (sjá neðst).