Lord of the Rings – The Return of the King
Í ljósi aðstæðna hefur sýningum verið frestað fram til ársins 2021. Nýjar dagsetningar eru 12. og 13. ágúst 2021.
Miðar flytjast sjálfkrafa yfir á nýjar dagsetningar, en ef miðahafar óska eftirr endurgreiðslu þarf að hafa samband við miðasölu Hörpu á midasala@harpa.is eða í s. 528-5050. Endurgreiðslubeiðni þarf að berast í síðasta lagi þann 24. júní næstkomandi.
Hringadróttinssaga – Hilmir snýr heim (The Lord of the Rings – The Return of the King) verður sýnd í fullri lengd í Eldborgarsal Hörpu ásamt stórri sinfóníuhljómsveit, einsöngvurum og kórum. Hin ógleymanlega saga Tolkiens vaknar til lífsins á ný með hinu fallega tónverki Howard Shore, einu virtasta kvikmyndatónskáldi samtímans, flutt af rúmlega 200 tónlistarmönnum á sviðinu. Örfáir miðar eru eftir á báðar sýningar og ekki er hægt að bæta við fleiri sýningum.