Jarðskjálfti, 5,6 að stærð, varð klukkan 15:05 í dag um 18,1 km norðvestur af Gjögurtá. Fann fólk vel fyrir skjálftanum á Akureyri, í Hrísey og á Siglufirði. Þetta kemur fram á vef mbl.is
„Við sátum fyrir utan Fríðu kaffihús hér í sólinni og allt í einu sá maður bara rúðurnar á verkstæðinu við hliðina á okkur ganga til. Þetta voru nokkrar sekúndur og svo bara leið þetta hjá og sólin hélt áfram að skína,“ segir Marta María Jónasdóttir, sem stödd er á Siglufirði, í samtali við mbl
Marta segir skjálftann hafa verið lengi að ganga yfir og fólki hafi verið mjög brugðið. Nokkrir minni skjálftar, upp úr 3 að stærð, fundust einnig skömmu eftir skjálftann.