Miðasala á þrenna tónleika Bjarkar í ágúst hófst í síðustu viku og er nú uppselt á alla tónleikana. Þeir sem voru svo heppnir að ná miða eiga von á góðu í Eldborg 9., 15. og 23. ágúst. Ennþá er hægt að kaupa miða á streymið en 20% af þeim tekjum renna til góðgerðamála.
Tónleikarnir þrír hafa allir sína sérstöðu og ólíka dagskrá. Á þessum viðburðum koma fram með Björk um það bil 100 íslenskir tónlistarmenn. Þetta er hátíð þar sem Björk heldur upp á samstarf sitt við tónlistarfólk frá Íslandi, sem starfað hefur með henni í hljóðverum og á tónleikum út um allan heim.
Samhliða tónleikunum er haldin söfnun til styrktar Kvennaathvarfinu.
