Samtök leikjaframleiðenda, IGI, og Samtök iðnaðarins standa fyrir fundi í beinu streymi frá Grósku í dag 27. janúar kl. 16.00-17.00. Á fundinum verður farið yfir stöðu tölvuleikjaiðnaðar ásamt framtíðarhorfum og tækifærum í tengslum við uppbyggingu hans. Kynntar verða nýjar tölur um fjölda starfa, fjárfestingar og veltu í tölvuleikjaiðnaði og dregin upp sviðsmynd af íslenskum leikjaiðnaði árið 2030. Að loknu erindi formanns IGI verða pallborðsumræður um tækifæri og áskoranir leikjaiðnaðarins. Fundurinn verður í beinu streymi á Facebook SI: https://www.facebook.com/samtokidnadarins
Dagskrá
- Staða og framtíðarhorfur íslensks leikjaiðnaðar – Vignir Örn Guðmundsson, formaður IGI
- Pallborðsumræður – Hilmar Veigar Pétursson – forstjóri CCP, Sigurlína Ingvarsdóttir – framleiðandi hjá Bonfire Studios, Þorgeir F. Óðinsson – framkvæmdastjóri Directive Games og María Guðmundsdóttir – forstjóri Parity