Airwhales, ný tónlistarhátíð, verður haldin á Hlemmur Square dagana 7. til 9. nóvember næstkomandi, en þetta kemur fram í tilkynningu frá aðstandendum hátíðarinnar. Í tilkynningunni segir að markmið Airwhales sé að koma listamönnum á Íslandi á framfæri.
„Við trúum á tónlistarsenuna í Reykjavík og finnst að þetta tónlistarfólk eigi að fá sjálfstætt svið til að koma tónlist sinni á framfæri og fá tækifæri til að deila þessari helgi og byggja brýr til annarra landa,“
Skipuleggjendur hátíðarinnar segjast vera að endurheimta bylgjurnar og ætla sér að keppa við stærstu tónlistarhátíð á Íslandi.
„Við erum að taka bylgjurnar aftur til okkar. Málstaður okkar kemur frá hjartanu. Við bjóðum upp á yfir 20 tónlistarmenn, plötusnúða og aðra listamenn í þrjá daga og keppum því við stærstu tónlistarhátíð á Íslandi. Engum er skolað burt af stærri öldum. Tónlist ofar peningum.“
Meðan þeirra sem fram koma á hátíðinni í ár eru Jelena Ciric, Gusgusar, Skauti, MSEA, Dead Bird Lady, David Rist, supersport, Ottoman, Skoffín, S.hel, Regn., Marteinn Sindri, Sinah, Salóme Katrín, Reykavik on Stage og fleiri.
Þetta kom fram á vef Fréttablaðsins.