today-is-a-good-day

Allt að 20 stiga frost á morgun

Norðan 10-18 m/s, hvassast A-til, en hvassara í vindstrengjum sunnan Vatnajökuls. Snjókoma, él og skafrenningur norðaustan- og austanlands, en annars úrkomulaust. Dregur úr vindi og byrjar að létta til síðdegis. Norðlæg átt, víða 5-13 í kvöld og bjartviðri, en stöku él fyrir austan. Frost 3 til 12 stig, minnst suðaustanlands, en kaldast inn til landsins fyrir norðan.

„Nú þegar norðanáttin er farin að gefa eftir nær kalda loftið yfir landinu að komast niður að yfirborðinu en kaldasti tíminn verður þó ekki fyrr en í fyrramálið. Lægstu tölurnar verða líklega inn til landsins og þá einna helst á Norðurlandi og kæmi ekki á óvart að sjá mæla skríða undir 20 stigin. Nær ströndinni ætti hitastigið að vera 3 til 7 stig og jafnvel gæti hitinn komist uppað frostmarki í Vestmannaeyjum. Til sunnudags dregur úr frosti um landið vestanvert en áfram verður kalt fyrir austan,“  segir í hugleiðingum veðurfræðings á Veðurstofu Íslands.

 

Auglýsing

læk

Instagram