Auður segist hafa farið yfir mörk konu

Auglýsing

Tónlistarmaðurinn Auðunn Lúthersson, eða Auður, sendi frá sér yfirlýsingu í dag þar sem hann viðurkennir að hafa farið yfir mörk konu. Yfirlýsingin kemur í kjölfar ásakana á samfélagsmiðlum, þar sem hann er meðal annars sagður hafa stundð kynlíf með stúlkum undir lögaldri.

„Árið 2019 fór ég yfir mörk konu án þess að átta mig á því en við töluðum saman síðar. Ég tók málið alvarlega, baðst afsökunar og reyndi að axla ábyrgð, bæði gagnvart konunni og með því að tala við sálfræðing sem mér var bent á af Stígamótum„ skrifar hann.

Upplifun konunnar er það sem skiptir máli. Samkvæmt frásögn hennar spurði ég „má ég“ og „líður þér óþægilega?“ en var samt ágengur. Við fækkuðum ekki fötum en ég hafði átt að hætta fyrr.“ segir í yfirlýsingu hans.

Hann segir aðrar flökkusögur, sem farið hafa hátt á Twitter undanfarna daga, ekki eiga sér stoð í raunveruleikanum.

Auglýsing

„Ég veit ekki alveg hvernig næstu vikur eða mánuðir verða en ég veit að ég þarf að setja áframhaldandi sjálfsvinnu í forgang og ekki sinna öðru á meðan.“

Yfirlýsinguna má lesa í heild sinni hér að neðan:

 

View this post on Instagram

 

A post shared by Auður (@auduraudur)

Auglýsing

læk

Ummmmm...

Instagram