Þriðja þáttaröðin Með Loga snýr aftur fimmtudaginn 7. nóvember og eru þetta alls sex þættir. Það er Logi Bergmann Eiðsson sem stýrir þessum skemmtilega viðtalsþætti en í þáttunum fær hann til sín spennandi og áhrifamikla einstaklinga sem teknir eru tali með einlægum en léttum hætti eins og Loga einum er lagið. Þáttaröðin verður aðgengileg hjá Símanum Premium.
Viðmælendur Loga í þessari þriðju þáttaröð eru þau:
Ásdís Halla Bragadóttir
Eiður Smári Guðjohnsen
Jón Gnarr
Þórdís Kolbrún Reykfjörð Gylfadóttir
Helgi Seljan
Ragnhildur Gísladóttir
„Það eru mikil forréttindi að fá að velja sér fólk í svona þátt, gefa sér tíma og geta aðeins dvalið við hluti. Venjuleg viðtöl eru stutt, 5-10 mínútur, og um eitthvað ákveðið. Þetta er meira samtal en viðtal og um allt mögulegt. Það er líka frábært að vera í Gamla bíói. Það er mikil saga í húsinu og við náum að breyta því eftir okkar þörfum en samt halda í karakterinn,“ segir Logi.