Jennifer Aniston var gestur DeGeneres í þætti hennar, The Ellen DeGeneres Show.
Á meðan á viðtalinu stóð ræddu þær um koss DeGeneres og Howard Stern, en þau deildu kossi fyrir stuttu í þættinum hennar. Aniston hafði margar spurningar um kossinn: Hafðiru ánægju af honum? Hvernig var þetta? Varstu stressuð?
Ellen svaraði því að kossinn hefði verið býsna notalegur og spurði Aniston hana þá hvenær hún hefði síðast kysst karlmann.
„Af hverju eru allir svona hneykslaðir? Ég kyssi karlmenn! Ég kyssi karlmenn á þennan hátt. Ég kela ekki við þá en ég kyssi karlmenn á munninn.“ svaraði DeGeneres áður en hún spurði Aniston hvenær hún hefði síðast kysst kvenmann. Svaraði Aniston því að hún kyssti konur ekki á varirnar.
Ellen teygði sig þá fram og smellti á Jennifer kossi við mikinn fögnuð áhorfenda í salnum.
Sjáðu kossinn hér fyrir neðan.