Tónlistarmaðurinn Pharell hefur nú gefið út lagið ´Entrepreneur´ásamt Jay Z.
Í samtali við TIME segir Pharell að lagið fjalli um það hversu erfitt það er að vera frumkvöðull í Bandaríkjunum.
,,Sérstaklega þegar einhver er þeldökkur, þá er mikið af kerfislegum hindrunum. Hvernig er hægt að kveikja eld, eða jafnvel vonast eftir því að kveikja eld, þegar þú byrjar á slíkum hindrunum hvað varðar heilbrigðisþjónustu, menntun og fleira,“ segir hann.
Lagið kom út á miðnætti, að bandarískum tíma, og hefur nú þegar fengið góð viðbrögð hjá fólki á samfélagsmiðlum.