Hertar aðgerðir vegna útbreiðslu COVID-19 taka gildi á miðnætti og munu þá fjöldatakmarkanir miðast við 10 manns.
Verslunin IKEA hefur tekið þá ákvörðun, til að tryggja öryggi bæði viðskiptavina og starfsfólks, að loka frá laugardeginum 21. október og þar til aðstæður leyfa. Þetta kemur fram í tilkynningu frá fyrirtækinu.
„Það er von forsvarsmanna IKEA að samstaða bæði einstaklinga og fyrirtækja verði til þess að draga megi úr útbreiðslu kórónaveirunnar sem fyrst,“ segir í tilkynningunni.
„Þá geta viðskiptavinir verslað á vefnum og sótt í verslunina á sama hátt og gert var í vor. Viðskiptavinir eru hvattir til að leita nánari upplýsinga á vefnum IKEA.is.“