Sönkonan Guðrún Árný birti í gær á Facebook síðu sinni myndband þar sem hún syngur fallegt lag við texta úr ljóði Sigríðar Klingenberg, eða Siggu Kling.
„Í fyrrakvöld var svolítið þungt yfir mér eins og svo mörgum þessa dagana. Ég gluggaði í bókina -Töfraður fram lífið, eftir Siggu Kling og las ljóð sem heitir Morgundagurinn. Meðan ég las það yfir, varð samstundis til lag sem ég hripaði niður. Þetta gerist bara þegar orð virkilega tala til mín og þá stjórna þau alveg laglínunni. Svo fallegt ljóð elsku Sigga, takk fyrir ljóðin þín og öll skrifin. Við þurfum svo sannarlega á svona hvatningu að halda,“ skrifar Guðrún.