Systkynin Álfgrímur og Þorgerður Ása voru að gefa út jólalag og tónlistarmyndband.
Um er að ræða gamla góða jazz standardinn „What are you doing New Year’s eve?“ í þýðingu föður þeirra systkyna, Aðalsteins Ásbergs Sigurðssonar. Þessu skemmtilega gamaldags myndbandi leikstýrði hin hæfileikaríka Alda Valentína Rós.
Lagið var tekið upp í sumar í Stúdíó Paradís en meðleikarar þeirra í myndbandinu eru Sólveig Morávek á klarinett, Erik Qvick á slagverk, Sigmar Þór Matthíasson á kontrabassa, Ásgeir Ásgeirsson á gítar og Matti Kallio á píanó.